ZERO PLASTIC BAG DRIVE SA BANWA IT KALIBO, GINASUEONG!

... MAY GINPASAR NGA RESOLUSYON RO KOOL EARTH INCORPORATED, AMBULANT VENDORS ASSOCIATION AG ENTREPRENEURSHIP CREDIT COOPERATIVE NGA NAGA-HINYO SA KONSEHO IT KALIBO NGA BULIGAN RO ANDANG PROGRAMANG ZERO PLASTIC BAGS DRIVE SA BANWA IT KALIBO. BANGUD KU RONDAYANG SADYAAN NGA ADBOKASIYA, GINPROPONER NI HON. ARIEL FERNANDEZ RONG RESOLUSYON NGA NAGA-ENGGANYO SA MGA BUSINESS ESTABLISHMENTS, STALL HOLDERS, VENDORS, CONSUMERS AG PUMOEOYO NGA GUMAMIT IT BIODEGRADABLE O KUN ENVIRONMENT FRIENDLY BAGS BILANG SUPORTA KU MUNISIPALIDAD IT KALIBO.

GINPAABOT NI HON. FERNANDEZ NGA RAYANG MGA PLASTIC BAGS HAY NAGIGING RASON IT PAGBARA IT MGA KANAE, DRAINAGE, KALAT SA KARSADA, SA BAYBAYON AG KASUBAAN. SA RONDAYA NGA KAHIGAYUNAN, ANANG GINPANGINBULAHAN RO NASAMBITAN NGA MGA GRUPO SA ANDANG ADBOKASIYA. DUGANG PA NI FERNANDEZ NGA SA PAG-SELEBRAR IT AMBULANT VENDORS ASSOCIATION AG ENTREPRENEURSHIP CREDIT COOPERATIVE KU ANDANG 1ST ANNIVERSARY SA PAGBALIGYA SA KARSADA, ANDANG GIN-UMPISAHAN RO PAGGAMIT IT MGA BURI AG PAPEL BILANG PANGPUTOS SA ANDANG MGA PRODUKTONG GINABALIGYA. NAGASALIG MAN RO KONSEHAL NGA RO IBA MAN MGA GRUPO O INDIBIDWAL AG MGA BUSINESS ESTABLISHMENTS HAY MAGHIMO MAN KU ANDANG OBLIGASYON NGA MAGLIMPYO IT PALIBOT.

NAGPAHAYAG MAN IT SUPORTA SI HON. ARNALDO TEJADA SA RONDAYANG RESOLUSYON SA KABANGDANAN NGA MAG-EUWAS NGA MAKABULIG RA SA PAGDUEA IT PLASTIC BAGS SA SIRKULASYON HAY MAKATA-O IT EMPLOYMENT SA MGA KALIBONHON EABI GID RO MGA SENIOR CITIZENS ANGOT MAN SA ANDA KARANG GINHIMO NGA LIVELIHOOD TRAINING ANGOT SA PAGHIMO IT MGA BURI BAGS NGA PWEDENG HIGAMIT IT MGA PUMOEOYO AG MGA ESTABLISIMIENTO. GIN-APRESYAR MAN IT KOOL EARTH RO PAGKA-APRUBAR KU NASAMBITAN NGA RESOLUSYON.

 

News from: DONIEL B AGUIRRE and RON BAUTISTA, ADMIN. OFFICER II (INFORMATION OFFICER I) PAICD, MEEDO.